مساء الفل
ازيكوا كلكوا
كل سنه وانتوا طيبيين وعيد سعيد عليكوا
بصوا معايا بقى
انا عامله التوبك طالبه معايا رغى ![]()
بما انا العيد بيخبط على الباب
فهنتكلم عن العيد
بالنسبالك وانت لسه صغير و ناو
فى فرق اوى صح ؟![]()
مش عارفه الفرق ده بالنسبه للكل زيى ولا ايه النظام
يعنى زمان كنت ببقى فرحانه اوى بلبس العيد
وعاوزه الصبح يجى بسرعه
عشان اروح ل بيت جدو
والد ماما عشان هما مش جنبنا يعنى
ونتجمع كلنا وهيصه ولعب
وممكن نسافر كلنا سوا نتفسح
والعيله كلها وعدد كبير
وكنت بجد بفرح بالعيد
بعد كده فى الثانويه
بقيت احس العيد اجازه من المذاكره ودى فرحته بالنسبالى ![]()
ودلوقتى حسه انى فقدت احساسى بالعيد اصلا
بس اكيد برضو بفرح لمجرد انو العيد اللى خلاص هفرح بيه
مش عشان لبس عيد ولا عشان مفيش مذاكره
بس بجد كتيير بحن اوى لاحساسى الطفولى بالعيد
ياترى انتوا ايه مودكوا فى الحوار ده ![]()
Edited by Dr.Alyaa, 09/09/2010 - 05:17 AM.






Female


Top
Male









